اشتہار

کرونا ایس او پیز کی خلاف ورزی پر حکومتی شخصیت مستعفی

اشتہار

حیرت انگیز

مانچسٹر: کرونا ایس ایس او پیز کی خلاف ورزی کرنے پر برطانیہ کے علاقے بلیک برن کے میئر کو اپنے عہدے سے استعفیٰ دینا پڑ گیا۔

نمائندہ اے آر وائی نیوز کے مطابق مانچسٹر پولیس نے لاک ڈاؤن کے دوران منعقد ہونے والی شادی کی تقریب میں چھاپہ مار کر میئر سمیت 9 افراد پر دو دو سو پاؤنڈز جرمانہ عائد کیا تھا۔

افتخار حسین نے کرونا ایس او پیز کی خلاف ورزی کرنے پر اپنا عہدے سے استعفیٰ دیا۔ اُن کا کہنا تھا کہ ’حکومتی احکامات کی خلاف ورزی کے بعد عوامی عہدے پر رہنے کا جواز نہیں بنتا، مستعفی ہونا ہی بہتر تھا’۔

- Advertisement -

افتخار حسین کا کہنا تھا کہ ’میں اپنے کیے پر شرمندہ اور نادم ہوں، تقریب میں شرکت پر کوئی عذر پیش نہیں کروں گا کیونکہ میں نے غیر ذمہ داری کا مظاہرہ دانستہ طور پر کیا ہے‘۔ واضح رہے کہ کونسلر افتخار حسین گزشتہ برس بیلک برن ود ڈارون کے میئر منتخب ہوئے تھے۔

یاد رہے کہ مانچسٹر پولیس نے نواحی علاقے بلیک ہرن میں ہفتے کی رات ایک گھر پر چھاپہ مارا تھا جہاں شادی کی تقریب کا انعقاد کیا گیا تھا، اس تقریب میں میئر بھی موجود تھے، جب یہ خبر سامنے آئی تو انہیں شدید تنقیدک کا نشانہ بنایا گیا۔

Comments

اہم ترین

زاہد نور
زاہد نور
زاہد نور اے آر وائے نیوز کے ساتھ مانچسٹر سے بطور نمائندہ خصوصی منسلک ہیں

مزید خبریں