ایتھنز: یونان میں فیس ماسک کے مخالفین سڑکوں پر نکل آئے اس دوران پولیس اور مظاہرین کے درمیان شدید جھڑپیں ہوئیں، اہلکاروں آنسو گیس اور شیلنگ بھی کی۔
غیرملکی خبررساں ادارے کی رپورٹ کے مطابق یونان کے دارالحکومت ایتھنز میں مظاہرین نے فیس ماسک کے خلاف احتجاج کیا جو بعد میں پرتشدد صورت حال میں تبدیل ہوگیا، مظاہرے کے شرکا نے پولیس اہلکاروں کی طرف نارنگی پھیکنا تو پولیس بھی ایکشن بھی آگئی اور بھرپور جواب دیا۔
Protesters in #Greece were tear gassed by #police today as they opposed the #lockdown and the wearing of masks. 700 people attended in #Athens chanting "we want our lives back". Also demonstrations in Patras and Thessaloniki. pic.twitter.com/2bvGLVnrnE
— DavidJChristopher (@DavidJChristop1) February 14, 2021
رپورٹ کے مطابق پولیس نے جوابی کارروائی کرتے ہوئے مظاہرین پر آنسو گیس اور شیلنگ کی۔ احتجاج کرنے والے فیس ماسک کو لازمی قرار دیے جانے کے خلاف تھے۔
مظاہرین نے سوشل میڈیا کے ذریعے اپنے ہم خیال لوگوں کو جمع کیا اور ایتھنز میں پارلیمنٹ باؤس کے باہر جمع ہوئے۔ اس دوران انہوں نے فیس ماسک کی پابندی ختم کرنے کا مطالبہ کیا۔
احتجاج کرنے والوں نے یونان کا قومی پرچم لہرایا اور قومی گیت بھی گائے۔ تاہم مظاہرین کی جانب سے پولیس پر نارنگی پھینکنے سے صورت حال تبدیل ہوگئی اور جھڑپیں دیکھنے میں آئیں۔
