اسلام آباد: نیشنل کمانڈ اینڈ آپریشن سینٹر نے تمام ہیلتھ ورکرز ویکسین لگوانے کے لیے خود کو اپنےعلاقوں میں رجسٹرڈ کروانے کی ہدایت کردی۔

تفصیلات کے مطابق نیشنل کمانڈ اینڈ آپریشن سینٹر کی جانب سے جاری بیان میں کہا گیا ہے کہ تمام ہیلتھ ورکرزویکسین لگوانے کے لیے خود کو اپنےعلاقوں میں رجسٹرڈ کرائیں، فرنٹ لائن ہیلتھ وکرزکی حفاظت ہماری اولین ترجیح ہے۔

این سی اوسی کا کہنا ہے کہ اب تک سندھ میں 32ہزار807 ، پنجاب میں15ہزار494ہیلتھ ورکرز اور کےپی میں ایک ہزار39ورکرز کی کوروناویکسی نیشن کی جا چکی ہے۔

نیشنل کمانڈ اینڈ آپریشن سینٹر کے مطابق گلگت میں ایک ہزار13ہیلتھ ورکرز ، آزادکشمیرمیں میں 651ہیلتھ ورکرز ، اسلام آباد میں 859ہیلتھ ورکرز اور بلوچستان میں 252 ہیلتھ ورکرز کی ویکسی نیشن ہوچکی ہے۔

یاد رہے 2 روز قبل پاکستان میں کرونا وائرس ویکسی نیشن کے لیے 65 سال اور اس سے زائد عمر کے افراد کی رجسٹریشن کا آغاز کیا گیا تھا۔

اسد عمر کا کہنا تھا کہ اپنا شناختی کارڈ نمبر ٹائپ کر کے 1166 پر ایس ایم ایس کردیں، اس گروپ کے لیے ویکسی نیشن کا آغاز مارچ سے ہو جائے گا۔