نئی دہلی: انگلینڈ اور بھارت کے درمیان کھیلے جانے والے دوسرے ٹیسٹ کے دوران بھارتی کپتان ویرات کوہلی کے چہرے کے تاثرات پر بنی میمز سوشل میڈیا پر وائرل ہوگئیں۔
گزشتہ روز چنئی ٹیسٹ میں بھارت نے انگلینڈ کو 317 رنز کے بھاری مارجن سے شکست دی اور چار میچوں کی سیریز ایک، ایک سے برابر ہوگئی۔
ٹیسٹ میچ کے دوران ڈریسنگ روم میں بیٹھے ویرات کوہلی کے چہرے کے تاثرات کیمرے میں محفوظ ہوگئے جس پر شائقین کرکٹ نے دلچسپ میمز بنا ڈالی۔
سوشل میڈیا صارف نے ویرات کی تصویر شیئر کرتے ہوئے لکھا کہ ‘جب آپ کہیں کہ بس آدھا کپ چائے دینا اور وہ آپ کو آدھا ہی کپ چائے دیں’۔
رومانا نامی صارف نے لکھا کہ ‘زندگی کے ان تمام فیصلوں کے بارے میں سوچتے ہوئے جو اب تک آپ نے کیے۔‘
ایک صارف نے لکھا کہ ’جب آپ اپنی ریکارڈ کی ہوئی آواز سنیں۔‘
ایک اور صارف نے لکھا کہ ’موبائل فون کا فرنٹ کیمرا کھول کر اپنا چہرہ دیکھنے کے بعد۔‘
