سیالکوٹ: قومی اسمبلی کی نشست کے لیے حلقہ این اے 75 سیالکوٹ میں ضمنی انتخاب کل ہوگا، قومی اسمبلی کی یہ نشست مسلم لیگ ن کے رکن اسمبلی افتحار الحسن کی وفات کے بعد خالی ہوئی تھی۔
تفصیلات کے مطابق این اے 75 سیالکوٹ میں ضمنی انتخاب کے لیے پولنگ کل ہوگی، مسلم لیگ ن کی سیدہ نوشین اور تحریک انصاف کے اسجد ملہی میں کانٹے کا مقابلہ متوقع ہے۔
دیگر امیدواروں میں تحریک لبیک پاکستان کے محمد خلیل سندھو اور دیگر 7 امیدوار آزاد حیثیت سے الیکشن لڑ رہے ہیں۔
الیکشن کمیشن کا کہنا ہے کہ حلقے میں رجسٹرڈ ووٹرز کی تعداد 4 لاکھ 94 ہزار 3 ہے، ضمنی الیکشن کے لیے حلقے میں 360 پولنگ اسٹیشنز قائم ہین جن میں سے 25 انتہائی حساس اور 155 حساس قرار دیے گئے ہیں۔
قومی اسمبلی کی یہ نشست مسلم لیگ ن کے رکن قومی اسمبلی افتحار الحسن کی وفات کے بعد خالی ہوئی تھی۔
