کوئٹہ گلیڈی ایٹرز کی سپلیمنٹری پک ڈیل اسٹین خاندانی مصروفیات کی وجہ سے ایچ بی ایل پاکستان سپر لیگ 6 کے ابتدائی دو میچز کا حصہ نہیں ہوں گے۔
جنوبی افریقی فاسٹ باؤلر 22 فروری کو پاکستان پہنچیں گے جس کے بعد وہ کوویڈ 19 ٹیسٹنگ اور ضروری قرنطینہ کی مدت مکمل کرنے کے بعد اپنی فرنچائز کو دستیاب ہوں گے۔
📢UPDATES📢
The latest replacements in the squads for @TeamQuetta @IsbUnitedhttps://t.co/zdG35v0SPE#HBLPSL6 #MatchDikhao pic.twitter.com/rdnxu5ewPc
— PakistanSuperLeague (@thePSLt20) February 18, 2021
کوئٹہ گلیڈی ایٹرز نے ان کی جگہ نوجوان آلراؤنڈر حسان خان کو ابتدائی میچز کے لیے اسکواڈ میں شامل کرلیا ہے۔ ہر ٹیم کو پی ایس ایل کے ڈرافٹ میں 2 سپلیمنٹری راؤنڈ پک لینے کا اختیار تھا۔یہ دونوں کھلاڑی یا تو مقامی کرکٹرز ہوسکتے تھے یا ان میں سے ایک غیرملکی اور ایک مقامی کھلاڑی ہوسکتا تھا۔
اسلام آباد یونائیٹڈ کے فاسٹ باؤلر عاکف جاوید ابھی سرجری سے صحتیاب نہیں ہوسکے لہٰذا وہ ایچ بی ایل پی ایس ایل 6 کے لیے دستیاب نہیں ہیں، اسلام آباد یونائیٹڈ نے ان کی جگہ فاسٹ باؤلر ذیشان ضمیر کو اسکواڈ کا حصہ بنالیا ہے۔
