کراچی: کوئٹہ گلیڈی ایٹرز کے سپورٹر کے لئے بڑی خوشخبری ہے کہ دنیائے کرکٹ کے بہترین بلے باز نے ٹیم کو جوائن کرلیا ہے۔
تفصیلات کے مطابق کوئٹہ سماجی رابطے کی ویب سائٹ ٹوئٹر پر گلیڈی ایٹرز کی آفیشل پیج سے پیغام جاری کیا گیا ہے، جس میں بتایا گیا ہے کہ پاکستان سُپر لیگ میں کوئٹہ گلیڈی ایٹرز کے کھلاڑی فاف ڈوپلیسی کراچی پہنچ گئے۔
جنوبی افریقہ کے سابق ٹیسٹ کپتان فاف ڈوپلیسی کو ویسٹ انڈیز کے جارح مزاج بلے باز کرس گیل کی جگہ اسکواڈ کا حصہ بنایا گیا ہے، کرونا ایس او پیز کے تحت فاف ڈوپلیسی دو روز کا قرنطینہ مکمل کرینگے اور اس کے بعد وہ پریکٹس کا آغاز کریں گے۔
واضح رہے کہ پاکستان سُپر لیگ میں کوئٹہ گلیڈی ایٹرز کی نمائندگی کرنے والے ویسٹ انڈین کرکٹر کرس گیل پی ایس ایل ادھورا چھوڑ کر وطن واپس لوٹ گئے ہیں، جارح مزاج بیٹسمین نے کہا کہ ان کی خواہش تھی کہ پورا پی ایس ایل کھیلتے اور ہر میچ میں چھائے رہتے۔
پی ایس ایل سیزن سکس میں ویسٹ انڈیز بلے باز نے دو میچوں میں کوئٹہ گلیڈی ایٹرز کی نمائندگی کی، گیل نے کراچی کنگز کے خلاف 39 جبکہ کل ہونے والے میچ میں 68 رنز کی شاندار اننگز کھیلی تھی۔
The South African superstar @faf1307 has joined Quetta Gladiators 😍😍
We welcome you Faf in #PurpleForce
Looking forward to see you in Purple and Gold #WeTheGladiators #ShaanePakistan pic.twitter.com/HCsvyyqvKj— Quetta Gladiators (@TeamQuetta) February 23, 2021
