بنوں : متاثرین شمالی وزیر ستان میں پاک فوج کی جانب سے عیدی پیکج اور نقدی رقم تقسیم جاری ہے۔
ملک کے محفوظ مستقبل کیلئے گھر چھوڑنے والوں کی مدد میں پاک فوج پیش پیش ہے، بنوں میں شمالی وزیرستان سے نقل مکانی کرکے آنے والے بکہ خیل کیمپ میں مقیم ایک سو دس خاندانوں میں پاک فوج کی جانب سے عید پیکج کے تحت تحائف اور نقد رقم تقسیم کی گئی، تحائف میں کپڑے چوڑیاں، مہندی جوتے ،کپڑوں سمیت سولہ آئٹم پر شامل ہیں۔
اس موقع پر پاک فوج کے اعلی حکا م نے بتایا کہ متاثرین کا ہر طرح کا خیال رکھا جا رہا ہے، متاثرہ خاندانوں میں عیدی تحائف تقسیم کرنے کا مقصد یہ ہے کہ متاثرین کو یہاں بھی گھر جیسا ماحول میسر ہو،
اس موقع پر کرنل منصور مصطفی نے اے آر وائی نیوز کو بتایا کہ بچوں کو الگ سے تحائف دیئے جارہے ہیں، دوسری جانب ہزارو ں متاثرہ خاندانوں کوسم کے ذریعے بھی امدادی رقم کی فراہمی جاری ہے۔
