کراچی: پی ایس ایل 6 میں جہاں سنسنی خیز میچز کا سلسلہ جاری ہے وہیں کھلاڑیوں کی جانب سے ایک دوسرے کو چیلنج بھی دئیے جارہے ہیں۔
پی ایس ایل 6 میں کوئٹہ گلیڈی ایٹرز کی نمائندگی کرنے والے جارح مزاج بیٹسمین کرس گیل نے گگلی چیلنج کے بعد شلوار چیلنج دے دیا جس کی ویڈیو سوشل میڈیا پر وائرل ہورہی ہے۔
پاکستان سپر لیگ کے سوشل میڈیا اکاؤنٹ کے ذریعے کرس گیل کے شلوار چیلنج کی ویڈیو شیئر کی گئی ہے۔
ویڈیو میں دیکھا جاسکتا ہے کہ کرس گیل نے دو منٹ میں شلوار میں زار بند ڈالا اور چیلنج پورا کیا، کرس گیل کے نئے چیلنج کو سوشل میڈیا پر مداحوں کی جانب سے خوب پسند کیا جارہا ہے۔
واضح رہے کہ پی ایس ایل سیزن سکس کے آغاز پر کوئٹہ گلیڈی ایٹرز کے کھلاڑی کرس گیل نے گگلی چیلنج متعارف کرایا تھا جس کی ویڈیو ٹوئٹر پر پی ایس ایل کے آفیشل اکاؤنٹ پر شیئر کی گئی تھی۔
Join the #GooglyChallenge with @henrygayle #HBLPSLTaranay #HBLPSL6 #MatchDikhao pic.twitter.com/2kIHQ0gle2
— PakistanSuperLeague (@thePSLt20) February 22, 2021
کرس گیل کے گگلی چیلنج پر اسلام آباد یونائیٹڈ کے کھلاڑی اور قومی ٹیم کے فاسٹ بولر حسن علی نے ڈانس کیا، پی ایس ایل کے ٹوئٹر اکاؤنٹ پر حسن علی کی ویڈیو شیئر کی گئی تھی جس میں حسن علی کو گگلی چیلنج پر ڈانس کرتے ہوئے دیکھا جا سکتا ہے۔
🔥 @RealHa55an bringing some masti to the HBL PSL 6 Googly Challenge!
Send us your videos with the hashtag: #GooglyChallenge #HBLPSL6 #MatchDikhao pic.twitter.com/mRFayXKfSC
— PakistanSuperLeague (@thePSLt20) February 23, 2021
اس سے قبل لاہور قلندرز کے کھلاڑی اور افغان کرکٹر راشد خان نے بھی گگلی چیلنج میں اپنا حصہ ڈالا تھا۔
After bowling a stunning googly to send the Universe Boss back to the pavillion @rashidkhan_19 brings the heat to the #GooglyChallenge! #HBLPSL6 | #MatchDikhao | #QGvLQ pic.twitter.com/qkUGQpA5b3
— PakistanSuperLeague (@thePSLt20) February 22, 2021
