کراچی: پاکستان سپر لیگ سیزن سکس میں آج دو میچز کھیلے جائیں گے، دلوں کے سلطان اور سیزن فائیو کی فاتح کراچی گنگز آج پشاور زلمی کے مد مقابل ہوگی۔
تفصیلات کے مطابق کراچی کنگز اور پشاور زلمی کے درمیان کھیلا جانے والا میچ دن دو بجے شروع ہوگا، دوسرا میچ کوئٹہ گلیڈی ایٹرز اور ملتان سلطانز کے درمیان کھیلا جائے گا یہ میچ رات سات بجے شروع ہوگا۔
پی ایس ایل سیزن سکس میں اب تک تمام ٹیمیں چار چار میچز کھیل چکی ہیں، پوائنٹس ٹیبل پر اس وقت پشاور زلمی پہلے، اسلام آباد یونائیٹڈ دوسرے، لاہور قلندرز تیسرے، کراچی کنگز چوتھے، ملتان سلطانز پانچویں اور کوئٹہ گلیڈی ایٹرز آخری نمبر پر موجود ہے۔
اب تک کھیلے گئے چار میچز میں کوئٹہ گلیڈی ایٹرز کو شکست کا سامنا کرنا پڑا ہے، ملتان سلطان نے چار میں سے ایک میچ میں فتح حاصل کی ہے، کراچی کنگز نے اپنے چار میچز میں سے دو میں فتح سمیٹی جبکہ پشاور زلمی اس وقت پوائنٹس ٹیبل پر پہلے نمبر پر موجود ہے اس نے اپنے چار میں سے تین میچز میں فتح حاصل کی ہے۔
یہ بھی پڑھیں: اب ہمارے پاس کھونے کے لیے کچھ نہیں
واضح رہے کہ گزشتہ روز کھیلے گئے میچ میں اسلام آباد یونائیٹڈ نے کوئٹہ گلیڈی ایٹرز کو یکطرفہ مقابلے میں 6 وکٹوں سے شکست دی تھی۔
