کراچی: پی ایس ایل 6 میں کوئٹہ گلیڈی ایٹرز کی نمائندگی کرنے والے جنوبی افریقی فاسٹ بولر ڈیل اسٹین نے انڈین پریمیئر لیگ سے متعلق اپنے الفاظ کی وضاحت دیتے ہوئے معافی مانگ لی۔
تفصیلات کے مطابق جنوبی افریقی فاسٹ بولر ڈیل اسٹین نے سماجی رابطے کی ویب سائٹ ٹویٹر پر اپنے پیغام میں وضاحت کی کہ آئی پی ایل مجھ سمیت دیگر کھلاڑیوں کے کیریئر میں کسی دلچسپی سے کم نہیں رہی، میرے الفاظ کا مقصد نیچا دکھانا، توہین کرنا یا لیگز کا مواز نہیں تھا۔
ڈیل اسٹین نے لکھا کہ آئی پی ایل مجھ سمیت دیگر کھلاڑیوں کے کیرئیر کے حیرت انگیز تجربات میں سے ایک ہے، سوشل میڈیا پر میرے الفاظ کو توڑ مروڑ کر پیش کیا جارہا ہے۔
فاسٹ بولر نے پیغام کے آخر میں لکھا کہ کسی کی بھی دل آزاری ہوئی ہو تو معذرت خواہ ہیں۔
IPL has been nothing short of amazing in my career, as well as other players too.
My words were never intended to be degrading, insulting, or comparing of any leagues.
Social media and words out of context can often do that.My apologies if this has upset anyone.
Much love— Dale Steyn (@DaleSteyn62) March 3, 2021
واضح رہے کہ گزشتہ روز ڈیل اسٹین نے ویب شو پر بات چیت کرتے ہوئے کہا تھا کہ آئی پی ایل میں بڑے نام شامل ہوتے ہیں اور پیسے کی بات زیادہ ہوتی ہے جس سے کرکٹ نظر انداز ہوتی ہے۔
جنوبی افریقی فاسٹ بولر نے کہا تھا کہ پی ایس ایل اور لنکا پریمیئر لیگ کو انڈین پریمیئر لیگ پر اس لیے ترجیح دیتا ہوں کیونکہ اس میں کرکٹ کو کسی دوسری چیز سے زیادہ اہمیت دی جاتی ہے۔
ڈیل اسٹین کے اس بیان کے بعد بھارتی شہریوں کی جانب سے ان پر تنقید کی جارہی تھی جس کے بعد فاسٹ بولر کا یہ بیان سامنے آیا ہے۔
