انٹرنیٹ پر ایک ایسی دل دہلا دینے والی ویڈیو سامنے آئی جس میں بلیک پینتھر کو کتے پر حملہ کرتے اور شکار بناتے دیکھا جاسکتا ہے۔
بھارت میں محکمہ جنگلات کی پولیس (انڈین فوریسٹ سروس) کے اہلکار سدھا رامین نے سماجی رابطے کی ویب سائٹ اور مائیکربلاگنگ پلیٹ فارم ٹویٹر پر ایک ویڈیو شیئر کی۔
اس ویڈیو میں بلیک پینتھر کو پہاڑی علاقے میں چہل قدمی اور کتے کو شکار بناتے ہوئے دیکھا جاسکتا ہے۔
ویڈیو کے آخر میں دیکھا جاسکتا ہے کہ بلیک پینتھر نے تیزی سے بھاگتے ہوئے کسی پر حملہ کیا اور اُسے منہ میں دبوچ کر لے گیا۔ بھارتی اہلکار نے دعویٰ کیا کہ چیتے نے کتے پر حملہ کیا اور اُسے اپنا شکار بنایا۔
مزید پڑھیں: بلیک پینتھر کی پانی میں موجود اژدھے سے لڑائی، ویڈیو دیکھیں
سدھا کے مطابق بلیک پینتھر شکار کے بعد باآسانی علاقے سے فرار ہوگیا۔
They may be Black, that doesn’t make them any different. They are still leopards.
Here a Black Panther visits a fringe habitation and lifts a dog, which is said to be their favourite prey.pic.twitter.com/wpA5UVWcjM— Sudha Ramen IFS 🇮🇳 (@SudhaRamenIFS) March 3, 2021
انہوں نے بتایا کہ ’بلیک پینتھر آبادی والے علاقوں میں آکر کتوں کو لے جاتے ہیں کیونکہ یہ اُن کا پسندیدہ شکار ہوتا ہے‘۔ انٹرنیٹ پر وائرل ہونے والی اس ویڈیو کو اب تک 24 ہزار سے زائد صارفین دیکھ چکے ہیں۔
