واشنگٹن: امریکا میں 15 سالہ لڑکے پر چاقو کے پے در پے وار کرنے والا شخص کیمرے کی آنکھ میں قید ہوگیا۔
غیرملکی خبررساں ادارے کی رپورٹ کے مطابق یہ لرزہ خیز واقعہ امریکی ریاست نیویارک میں پیش آیا جہاں سفاک شخص نے کم عمر لڑکے پر چاقو سے حملہ کرکے زخمی کردیا۔
رپورٹ کے مطابق تیز دھار آلے سے لڑکے پر وار گزشتہ ماہ ہوئے تاہم پولیس کی جانب سے ویڈیو اور تصاویر اب شیئر کی گئی ہیں جس میں دل دہلا دینے والے مناظر دیکھے جاسکتے ہیں۔
- Advertisement -
متاثرہ لڑکا اسکوٹی پر سوار تھا کہ جب سڑک پر حملہ آور آیا اور اسے چھیڑنے لگا۔
معمولی تکرار کے بعد سفاک نے تیز دھار آلہ نکال لیا اور پے در پے کئی وار کیے جس کے باعث لڑکا شدید زخمی ہوگیا، لیکن خوش قسمتی سے اس کی جان بچ گئی۔
مقامی اسپتال میں طبی علاج کے بعد متاثرہ لڑے کو گھر بھیجا گیا جبکہ پولیس ملزم کی تلاش میں ہے۔
