اسلام آباد: وزیراعظم عمران خان نے وفاقی کابینہ کا اجلاس کل طلب کرلیا ، جس میں 16 نکاتی ایجنڈے پر غور سمیت پبلک سیکٹر آرگنائزیشن میں سربراہوں کی خالی آسامیوں پر بریفنگ دی جائے گی۔
تفصیلات کے مطابق وزیراعظم عمران خان کی زیرصدارت وفاقی کابینہ کا اجلاس کل کو ہوگا، اجلاس کا 16 نکاتی ایجنڈا جاری کردیا گیا ہے۔
اجلاس میں پبلک سیکٹرآرگنائزیشن میں سربراہوں کی خالی آسامیوں پر بریفنگ کے ساتھ ساتھ نوشہرہ میں ریلوےزمین پرکثیرالمنزلہ عمارت کی تعمیر کیلئے رپورٹ پیش کی جائے گی۔
ایف9پارک،پاک چائنہ فرینڈشپ سینٹر اور فاٹاہاؤس کےاستعمال اور موجودہ حکومت میں گیس ڈیولپمنٹ اسکیم کےطریقہ کار بھی بریفنگ دی جائے گی۔
نیشنل بک فاؤنڈیشن کے منیجنگ ڈائریکٹر کی تعیناتی ، چیئرمین کراچی پورٹ ٹرسٹ کےاضافی عہدے اور نیشنل کونسل برائےہومیوپیتھی کےصدر، نائب صدر کی منظوری ایجنڈے میں شامل ہیں۔
وفاقی کابینہ سندھ انفرااسٹرکچرڈیولپمنٹ کمپنی سی ای اوکے اضافی چارج کی منظوری دے گی جبکہ سوشل ویلفیئرفنڈکےاستعمال سےمتعلق گائیڈلائنزپربریفنگ اور افغان مہاجرین کی رجسٹریشن کی تجدید کامعاملہ بھی کابینہ ایجنڈے کا حصہ ہیں۔
کابینہ اجلاس میں رولزآف بزنس 1973 میں ترمیم کی منظوری سمیت اقتصادی کونسل،کابینہ کمیٹی ادارہ جاتی ریفارمزکےفیصلوں کی توثیق کی جائے گی۔
