اسلام آباد: وزیراعظم کے معاونِ خصوصی شہباز گِل نے آصف زرداری کی مریم نواز سے معذرت پر بیان جاری کردیا۔
سماجی رابطے کی ویب سائٹ پر وزیر اعظم کے معاونِ خصوصی نے لکھا کہ ’بیگم صفدر نے آخر کار زرداری صاحب کو اپنا والد بنا لیا، نئے ابو اور بیٹی ایک دوسرے سے معافیاں مانگ رہے ہیں‘۔
شہباز گِل کا کہنا تھا کہ ’اب دونوں قوم کو بتائیں کہ وہ کون سی غلطیاں کیں جس پر معافیاں مانگ رہے ہیں‘۔ وزیراعظم کے معاونِ خصوصی نے مزید کہا کہ ’بیگم صفدر اپنی مرضی سے نہیں این آراونہ ملنے پر یہاں (پاکستان) میں موجود ہیں‘۔
دوسری جانب سابق وزیر برائے آبی وسائل اور نومنتخب سینیٹر فیصل واؤڈا نے کہا کہ ’میں نے تو پہلے بتا دیا تھا کہ استعفے آئیں گے اور نہ ہی کوئی مارچ ہوگا‘۔
مزید پڑھیں: شہباز گِل کا اعلیٰ ظرفی کا مظاہرہ، انڈے اور سیاہی پھینکنے والوں کو معاف کردیا
فیصل داؤڈا نے لکھا کہ ’زرداری نے آج سینیٹ میں گیلانی کی شکست کا بدلہ لے کر نوازشریف اور بیٹی کے منہ پر طمانچہ مارا ہے،آج ثابت ہوگیا چوروں کا چوری پر کبھی ایکا نہیں ہوتا‘۔
واضح رہے کہ آج پاکستان ڈیموکریٹک موؤمنٹ (پی ڈی ایم) کا سربراہی اجلاس مولانا فضل الرحمان کی زیرصدارت اسلام آباد میں ہوا جس میں آئندہ کی حکمت عملی پر گفتگو کی گئی۔ اجلاس میں تمام جماعتوں کے قائدین نے شرکت کی جبکہ آصف زرداری اور نوازشریف ویڈیو لنک کے ذریعے اجلاس میں شامل ہوئے۔
بیگم صفدر نے آج آخر کا زرداری صاحب کو اپنا باپ بنا لیا۔ اب نئے ابو جان اور بیٹی جان ایک دوسرے سے معافیاں مانگ رہے ہیں۔کوئی قوم کو بھی بتاؤ کون سی غلطیاں کی ہیں جس کی معافیاں مانگ رہے ہو آپ لوگ۔ اور ایک اور بات بیگم صفدر اپنی مرضی سے یہاں پر نہیں ہیں بلکہ NRO نہ ملنے کی وجہ سے ہیں
— Dr. Shahbaz GiLL (@SHABAZGIL) March 16, 2021
اجلاس میں خطاب کرتے ہوئے پاکستان پیپلزپارٹی کے شریک چیئرمین اور سابق صدر آصف علی زرداری نے اسمبلی سے استعفے دینے کو نوازشریف کی واپسی سے مشروط کردیا۔ اُن کا کہنا تھا کہ ’نوازشریف وطن واپس آئیں، ہم اس جدوجہد میں آخر تک ساتھ نبھائیں گے‘۔
میں نے تو پہلے ہی بول دیا تھا کہ نا استعفے آئیں گے اور نا کوئی مارچ ہوگا۔ زرداری نے آج سینٹ میں گیلانی کی شکست کا بدلہ بھگوڑے مجرم نواز شریف اور اسکی بیٹی کو زوردار طمانچہ مار کر لے لیا۔ آج ثابت ہوگیا ہے کہ چوروں کا چوری پر کبھی ایکا نہیں ہوتا۔
— Senator Faisal Vawda (@FaisalVawdaPTI) March 16, 2021
آصف علی زرداری کے خطاب کے بعد مریم نواز نے اُن کی باتوں کا جواب دیا، جس کے بعد سابق صدر اور مریم نواز کے درمیان مکالمہ ہوا تو پی پی کے شریک چیئرمین نے اپنے بیان پر معذرت کی۔
