لاہور: پاکستانی امپائر علیم ڈار نے ایک اور اعزاز اپنے نام کرلیا، وہ 400 انٹرنیشنل میچز سپروائز کرنے والے دنیا کے پہلے امپائر بن گئے۔
تفصیلات کے مطابق پاکستانی امپائر علیم ڈار 400 انٹرنیشنل میچز سپروائز کرنے والے دنیا کے پہلے امپائر بن گئے، علیم ڈار نے یہ اعزاز زمبابوے اور افغانستان کے درمیان تیسرا ٹی ٹوینٹی میچز سپروائز کرکے حاصل کیا۔
علیم ڈار 136 ٹیسٹ، 211 ون ڈے اور 53 ٹی ٹوینٹی میچز سپروائز کرچکے ہیں۔
علیم ڈار کو انٹرنیشنل کرکٹ کونسل (آئی سی سی) اور پاکستان کرکٹ بورڈ (پی سی بی) کی جانب سے مبارک باد دی گئی ہے۔
Congratulations to umpire Aleem Dar, who is standing in his 400th men's international game today 🎉
What an achievement!#AFGvZIM pic.twitter.com/06ZAj1BtUY
— ICC (@ICC) March 20, 2021
ان کا کہنا تھا کہ میچوں کا اعزاز والدین اور اہلخانہ کے نام کرتا ہوں۔
علیم ڈار کا کہنا تھا کہ میں اپنے سرپرست اظہر زیدی کے ساتھ آئی سی سی، پی سی بی اور اپنے کلب پی اور ٹی جم خانہ کا شکریہ ادا کرنا چاہتا ہوں، کلب کے عہدیداروں کی جانب سے مدد کرنے پر ان کا شکر گزار ہوں۔
