اسلام آباد : کورونا میں مبتلا وزیراعظم عمران خان کی نئی تصویر سامنے آگئی ، فیصل جاوید کا کہنا ہے کہ وزیر اعظم صحت مند اور گھر سے کام کررہے ہیں۔
تفصیلات کے مطابق وزیراعظم عمران خان کی قرنطینہ کے دوران نئی تصویر سامنے آگئی ، تصویر میں وزیراعظم کی طبیعت کافی بہتر نظر آرہی اور انہیں کورونا کی معمولی علامات ہیں جبکہ قرنطینہ کےتیسرےروز بھی گھر سے دفتری امور سرانجام دے رہے ہیں۔
اس حوالے سے سینٹر فیصل جاوید نے سماجی رابطے کی ویب سائٹ ٹوئٹر پر اپنے پیغام میں کہا وزیر اعظم عمران خان صحت مند اور گھر سے کام کررہے ہیں۔
Prime Minister Imran Khan in Great Health & Spirits. Working from home.
Thank you for all your ‘Get Well Soon’ messages and ‘Prayers’ for PM Imran Khan and the first lady. Both are feeling better and enormously touched by your kind words. Alhamdulillah pic.twitter.com/ATaRYeKalL— Faisal Javed Khan (@FaisalJavedKhan) March 22, 2021
فیصل جاوید کا کہنا تھا کہ وزیر اعظم،خاتون اول کیلئے آپ سب کی نیک خواہشات ،دعاؤں کا شکریہ ادا کرتے ہیں، دونوں آپ کی شفقت آمیزباتوں سے بہتر اور اچھا محسوس کررہے ہیں،الحمدللہ۔
یاد رہے وزیراعظم آفس کے اسٹاف کا بھی کورونا ٹیسٹ مکمل کرلیا گیا ہے، عملے میں سے تاحال کسی کا کورونا پازیٹو نہیں آیا تاہم اسٹاف کے بعض افراد کی رپورٹ ابھی آنا باقی ہے۔
خیال رہے ہفتے کے روز وزیراعظم عمران خان کا کورونا ٹیسٹ ہفتے کو مثبت آیا تھا، جس کے بعد انہوں نے خود کو گھر میں قرنطینہ کرلیا تھا۔
