پاکستان کرکٹ ٹیم کے دورہ زمبابوے کا شیڈول جاری کر دیا گیا۔
قومی ٹیم وہ پہلی انٹرنیشنل ٹیم ہو گی جو کورونا کے بعد زمبابوے کا دورہ کر رہی ہے۔ پاکستان ٹیم 17 اپریل کو جوہانسبرگ سے ہرارے پہنچے گی جہاں وہ اپنے مشن کی شروعات کرے گی۔
تین ٹی 20 اور دو ٹیسٹ میچز کی سیریز کا آغاز 21 اپریل سے ہو گا۔ ٹی ٹوئنٹی میچز21، 23 اور 25 اپریل کوکھیلے جائیں گے۔
پہلاٹیسٹ میچ 29 اپریل اور دوسرا 7 مئی سے شروع ہوگا۔ سیریز کےتمام میچز ہرارے اسپورٹس کلب میں کھیلےجائیں گے۔
دوسری جانب ورہ جنوبی افریقا پر موجود قومی اسکواڈ کے تمام ارکان کے کرونا ٹیسٹ منفی آچکے ہیں گرین شرٹس آج سے ٹریننگ کا آغاز کرے گی۔
کھلاڑی جنوبی افریقی بورڈ کے تحت کام کرنے والے میڈیکل پینل کی ہدایات پر پوری طرح عمل درآمد کرتے ہوئے سپر اسپورٹس پارک سینچورین میں پریکٹس کریں گے، پریکٹس سیشن میں مہمان کرکٹرز بیٹنگ، بولنگ اور فیلڈنگ میں صلاحیتیں نکھارنے کے ساتھ جسمانی استعداد بہتر بنانے کیلیے فٹنس ڈرلز کا بھی سلسلہ جاری رکھیں گے۔
