اوٹاوا: کینیڈا کی مصروف ترین شاہراہ پر قائم عوامی لائبریری میں چاقو بردار شخص نے حملہ کیا جس کے نتیجے میں ایک خاتون ہلاک ہوگئیں۔
خبررساں ادارے کی رپورٹ کے مطابق کینڈا کے علاقے نارتھ وینکوور میں ہفتے کے روز حملہ آوار عوامی لائبریری میں اُس وقت داخل ہوا جب وہاں پر لوگ کتابوں کے مطالعے میں مصروف تھے۔
لائبریری میں موجود خاتون حملے میں شدید زخمی ہوئیں جو اسپتال جاتے ہوئے دم توڑ گئیں جبکہ دیگر پانچ افراد بھی چاقو لگنے سے زخمی ہوئے۔
پولیس نے واقعے کی اطلاع ملنے کے بعد لائبریری کو گھیرے میں لیا اور حملہ آور کو گرفتار کرلیا جس کی شناخت تاحال ظاہر نہیں کی گئی۔
پولیس نے عینی شاہدین کے بیانات قلم بند کیے جبکہ اُن لوگوں کی تلاش بھی شروع کردی ہے جنہوں نے واقعے کی ویڈیو بنا کر اسے سوشل میڈیا پر شیئر کیا۔
One person was killed and five others were wounded in a knife attack at a public library in a Vancouver suburb, police said. A suspect, who apparently acted alone, was taken into custody https://t.co/DjqYO0O6lc pic.twitter.com/DXACMWQX98
— Reuters (@Reuters) March 28, 2021
کینیڈین پولیس کے ترجمان نے میڈیا کو واقعے سے متعلق آگاہ کرتے ہوئے بتایا کہ حملے میں 6 لوگ زخمی ہوئے تھے جن میں سے ایک خاتون دوران علاج دم توڑ گئیں۔
کینیڈا کے وزیر اعظم جسٹن ٹروڈو نے سماجی رابطے کی ویب سائٹ پر جاری اپنے بیان میں اس حملے کی شدید الفاظ میں مذمت کی اور زخمیوں کی جلد صحت یابی کے لیے دعا کی’ْ انہوں نے لکھا کہ شہریوں کی حفاظت ہماری اولین ترجیح ہے۔
My heart is in North Vancouver tonight. To everyone affected by this violent incident in Lynn Valley, know that all Canadians are keeping you in our thoughts and wishing a speedy recovery to the injured. https://t.co/8Q32wuOlTk
— Justin Trudeau (@JustinTrudeau) March 28, 2021
