سینیٹر شبلی فراز نے کہا ہے کہ وزیرخزانہ عبدالحفیظ شیخ کو مہنگائی کی وجہ سے ہٹایا گیا ہے۔
اے آر وائی نیوز کے پروگرام دی رپورٹرز میں گفتگو کرتے ہوئے شبلی فراز نے کہا کہ مہنگائی کی وجہ سے وزیراعظم عمران خان مطمئن نہیں تھے اور وزیراعظم کو پریشانی تھی اسی لیے حفیظ شیخ کو مہنگائی کی وجہ سے وزارت خزانہ کےعہدے سے ہٹایا گیا۔
حفیظ شیخ کو وفاقی وزیرخزانہ کے عہدے سے ہٹانےکا فیصلہ
انہوں نے کہا کہ وزیراعظم عمران خان نےنئی ٹیم لانےکا فیصلہ کیاہے، وزیراعظم نےفنانس کی نئی ٹیم تشکیل دی ہے، حفیظ شیخ وزیرخزانہ نہیں رہے،حماداظہرفنانس ٹیم کی سربراہی کریں گے۔
شبلی فراز نے کہا کہ حفیظ شیخ کےمستقبل کےبارےمیں علم نہیں، کل تک چیزیں فائنل ہوجائیں گے ملکی حقائق کومدنظررکھ کر فیصلے کیےجاتےہیں۔
ان کا کہنا تھا کہ وزیراعظم عمران خان حماداظہر سےمطمئن ہیں، وزیراعظم نےحماداظہر کو اضافی ذمہ داری دی ہے، حماداظہر وزیراعظم عمران خان کےوژن کوآگےلے کرچلیں گے امیدہےنئی ٹیم معاشی مسائل پرقابوپانےمیں کردار ادا کرے گی۔
