ایران نے چین کے ساتھ اسٹریجیٹک معاہدے کو امریکا کے زوال میں تیزی کا سبب قرار دے دیا۔
چین کے ایران میں 400 ارب ڈالر کی سرمایہ کاری سے متعلق معاہدے پر سپریم نیشنل سیکورٹی کونسل کے سیکرٹری علی شمخانی نے کہا کہ اس معاہدے سے امریکا کے زوال میں تیزی آئے گی۔
ٹوئٹر پر جاری بیان میں علی شمخانی نے لکھا کہ معاہدے پر جوبائیڈن کے خدشات جائز ہیں کیونکہ مشرقی ممالک کے درمیان اسٹریجیٹک تعاون سے امریکا کے زوال میں تیزی آئے گی۔
The signing of 🇮🇷&🇨🇳Strategic Partnership Roadmap is part of the #ActiveResistance policy. The world isn't just the West & West isn't just the lawbreaking🇺🇸🇬🇧🇫🇷🇩🇪.
Biden's concern is correct: the flourishing of strategic cooperation in the East is accelerating the US decline.— علی شمخانی (@alishamkhani_ir) March 29, 2021
ان کا کہنا تھا کہ چین کے ساتھ اسٹریجیٹک معاہدہ ایران کی فعال مزاحمتی پالیسی کا حصہ ہے پوری دنیا صرف مغرب نہیں ہے اور نہ دنیا قانون شکن مغربی ممالک فرانس، برطانیہ اور جرمنی پر مشتمل ہے۔
واضح رہے کہ چین نے حال ہی میں ایران کے ساتھ معاہدہ کیا ہے جس کے تحت 25 سال کے دوران بیجنگ تہران میں 400 ارب ڈالر کی سرمایہ کاری کرے گا اور اس کے بدلے ایران تیل کی سپلائی کرے گا۔
