لاہور: پاکستان کرکٹ ٹیم کے نوجوان بلے باز حیدر علی کو کیربیئن پریمیئر لیگ کی ٹاپ کٹیگری میں پک کرلیا گیا ہے۔
تفصیلات کے مطابق کیربیئن پریمیئر لیگ نے پاکستانی کرکٹر حیدر علی کو ٹاپ کیٹگری میں چن لیا ہے، حیدر علی کو جمائیکا تلاواز کی جانب سے بونس کیساتھ ایک لاکھ 10ہزار امریکی ڈالرز ملیں گے جو کہ پاکستانی 1کروڑ 7 لاکھ روپے بنتے ہیں۔
تمام معاملات طے ہونے کے بعد حیدر علی کو پاکستان کرکٹ بورڈ کی جانب سے این سی او ملنے کا انتظار ہے، این سی او ملنے کے بعد ہی حیدر علی ویسٹ انڈین لیگ میں بھرپور ایکشن میں دکھائی دینگے۔
Congratulations 🥳 pic.twitter.com/riPECEh1g0
— Shoaib Jatt (@Shoaib_Jatt) April 3, 2021
یاد رہے کہ گذشتہ سال دو ستمبر کو نوجوان کرکٹر حیدر علی نے انگلینڈ کے خلاف تیسرے ٹی ٹوئنٹی میں انٹرنیشنل ڈیبیو کیا اور اپنے پہلے ہی انٹرنیشنل ٹی ٹوئنٹی میں نصف سنچری بنائی، جس کے بعد حیدر علی یہ کارنامہ انجام دینے والے پہلے پاکستانی بن گئے تھے۔
اس سے قبل ڈیبیو پر سب سے زیادہ انفرادی اسکور کا اعزاز عمر امین کو حاصل تھا جنہوں نے 47 رنز بنائے تھے۔ حیدر علی پاکستان سپر لیگ میں پشاور زلمی کی جانب سے کھیل رہے ہیں۔
Pakistani batsmen Haider Ali will be in action in @CPL pic.twitter.com/M8mnIjkAmB
— Shoaib Jatt (@Shoaib_Jatt) April 3, 2021
