سوات: پشاور ہائی کورٹ کی جانب سے جاری ہونے والے فیصلے کے بعد انتظامیہ نے مالم جبّہ ریزورٹ کو بند کرنے کا اعلان کردیا۔
اے آر وائی نیوز کی رپورٹ کے مطابق پشاور ہائی کورٹ نے انتظامیہ کو مالم جبّہ ریزورٹ میں داخلہ فیس لینے سے روکا تو انتظامیہ نے اسے بند کرنے کا اعلان کردیا۔
انتظامیہ کی جانب سے فی بندہ 300 روپے داخلہ فیس وصول کی جارہی تھی، جس کے خلاف شہری نے عدالت میں درخواست دائر کی تو پشاور ہائی کورٹ نے فیس کی وصولی کو غیر قانونی قرار دیتے ہوئے 300 روپے لینے سے روکنے کا حکم دیا۔
انٹری فیس ختم کرنےکےبعد انتظامیہ نے مالم جبّہ کو بندکرنےکااعلان کرتے ہوئے سیاحوں کو ہدایت کی کہ وہ مالم جبّہ کی طرف آنے کی زحمت نہ کریں۔
دوسری جانب وزیراعظم کے معاونِ خصوصی برائے سمندر پار پاکستانی اور افرادی قوت زلفی بخاری نے مالم جبّہ بند کرنے کے فیصلے کو افسوسناک قرار دیا۔ اُن کا کہنا تھا کہ ’سیاحتی موسم کے دوران مالم جبّہ کا بند ہونا افسوسناک ہے کیونکہ کئی سیاحوں نے اس مقام پر رمضان گزارنے کا فیصلہ کیا تھا‘۔
Unfortunate to see one of our best resorts close down at the peak of tourism season.
This upsets many people’s plans just days away from #Ramzan.. the last thing Pakistan’s booming tourism industry needs right now is disruptiveness. pic.twitter.com/dC6QIGYgF5— Sayed Z Bukhari (@sayedzbukhari) April 3, 2021
واضح رہے کہ سوات جانے والے سیاح ہزاروں فٹ بلندی پر قائم سیاحتی مقام مالم جبّہ کا دورہ ضرور کرتے تھے جبکہ موسم سرما میں یہاں مختلف عالمی پروگراموں کا انعقاد بھی کیا جاتا ہے۔
