میلبرن کرکٹ کلب بھی فخر زمان کے متنازع رن آؤٹ پر بول پڑا، ایم سی سی کا کہنا ہے کہ امپائرز کو فیصلہ کرنا چاہیے تھا کہ بیٹسمین کو دھوکا دیا گیا ہے، فخر زمان کو 5 رنز اضافی ملنے چاہیے تھے۔
تفصیلات کے مطابق جنوبی افریقہ نے دوسرا ون ڈے جیت کر سیریز 1-1 سے برابر کردی لیکن 193 رنز کی شاندار اننگز کھیلنے والے اوپنر فخر زمان کا رن آؤٹ نے نئی بحث چھیڑ دی۔
کرکٹ قوانین میں آئی سی سی کی معاونت کرنے والے قدیم کرکٹ کلب ایم سی سی کا کہنا ہے کہ امپائرز کو فیصلہ کرنا چاہیے تھا کہ کیا یہ بیٹسمین کو دھوکا دیا گیا، اگر دھوکا دیا گیا تو فخر زمان کو 5 رنز اضافی ملنے چاہیے تھے۔
Law 41.5.1 states: “It is unfair for any fielder wilfully to attempt, by word or action, to distract, deceive or obstruct either batsman after the striker has received the ball”#MCCLawspic.twitter.com/gUXoBM9ZJ5
— Marylebone Cricket Club (@MCCOfficial) April 4, 2021
آئی سی سی قوانین کے مطابق کوئی فیلڈربیٹسمین کو جان بوجھ کر دھوکا نہیں دے سکتا۔
واضح رہے کہ پاکستان اور جنوبی افریقا کے درمیان دوسرا ون ڈے میچ فخر زمان کی شاندار اور جارحانہ اننگز کی وجہ سے دنیا بھر میں توجہ کا مرکز بنا رہا، میچ میں لوگوں کے غم و غصے کا اظہار اس وقت شامل ہوگیا جب جنوبی افریقی وکٹ کیپر کوئنٹن ڈی کوک نے فخر زمان کو آؤٹ کرنے کے لئے جھانسا دیا۔
دونوں ٹیموں کے درمیان تین میچوں کی سیریز 1-1 سے برابر ہے، سیریز کا فیصلہ کن میچ بدھ کو کھیلا جائے گا۔
