کویت سٹی: کویت کے ماہر فلکیات نے دعویٰ کیا ہے کہ ماہ رمضان کا آغاز 13 اپریل سے ہوگا۔
تفصیلات کے مطابق کویتی ماہر فلکیات ڈاکٹر صالح العجیری کا کہنا ہے کہ رمضان المبارک 1442 ہجری کے مبارک مہینے کا آغاز منگل 13 اپریل سے ہوگا۔
العجیری نے بتایا کہ ان کے فلکیاتی کیلنڈر کے حساب کے مطابق مرئیت کے حالات یہ ہیں کہ ہلال پیر 12 اپریل کی صبح پانچ بجکر 32 منٹ پر ظاہر ہوگا جبکہ سورج شام 6 بجکر 12 منٹ پر ڈوبے گا لیکن چاند پیر کی شام 6 بجکر 34 منٹ پر غروب ہوگا، آفتاب کے بعد 22 منٹ کی مدت کے دوران چاند دیکھنا مشکل ہے۔
انہوں نے کہا کہ چاند غروب آفتاب کے بعد غروب ہوتا ہے اور ماہرین فلکیات میں چاند کے مہینے میں داخلے کی شرط پوری ہوجاتی ہے لہٰذا 13 اپریل بروز منگل رمضان المبارک کے بابرکت مہینے کا پہلا دن 1442 ہجری بن جائے گا.
انہوں نے نشاندہی کی کہ العجیری سائنٹیفک فاؤنڈیشن منظور شدہ سائنسی فلکیاتی معیار کے مطابق اوقات اور ایام کا حساب کتاب کرتا ہے۔
