کراچی : معروف گلوکار عاصم اظہر کی مشہور پاکستانی بینڈ اسٹرنگز کے گانے گاتے ہوئے ویڈیو وائرل ہوگئی، اداکارہ سجل علی بھی ویڈیو پر پسندیدگی کا اظہار کیے بنا نہ رہ سکیں۔
انٹرنیٹ پر وائرل ہونے والی ویڈیو میں سوشل میڈیا انفلوئنیسر میراب علی بھی نظر آرہے ہیںم جنہوں نے اس ویڈیو کو اپنے انسٹاگرام اکاؤنٹ سے شیئر کیا۔
میراب علی نے لکھا کہ دو مختلف قسم کے لوگ اسٹرنگز کے گانوں کو گانے کی کوشش کررہے ہیں اور ساتھ ہی بلال مقصود اور فیصل کپاڈیا سے دوبارہ گروپ بنانے کی درخواست کی۔
عاصم اظہر کی آواز میں وائرل ہونے والا اسٹرنگز کا گانا سجنی مداحوں کی جانب سے بہت پسند کیا جارہا ہے۔
