اسلام آباد: وزیراعظم عمران خان آج سندھ کیلئے446ارب روپےکےمیگاترقیاتی پیکج کااعلان کریں گے ، میگا ترقیاتی پیکج کا محور سندھ کے پسماندہ علاقے اورمحروم طبقات ہیں ۔
تفصیلات کے مطابق وزیراعظم عمران خان آج سکھر اور کراچی کا ایک روزہ دورہ کریں گے ، سکھر ایئرپورٹ پہنچنے پر گورنرسندھ اور دیگر رہنما ان استقبال کریں گے۔
دورے کے دوران وزیراعظم سکھر میں کامیاب نوجوان اور احساس پروگرام کا افتتاح کرنے کے ساتھ ساتھ پی ٹی آئی اورجی ڈی اے رہنماؤں سے ملاقات کریں گے۔
بعد ازاں وزیراعظم عمران خان دوپہر میں سکھرسے کراچی کے لیے روانہ ہوں گے اور کراچی میں شوکت خانم فنڈریزنگ افطار ڈنرمیں شرکت کریں گے۔
اس دوران وزیراعظم سندھ کیلئے446ارب کےمیگاترقیاتی پیکج کااعلان کریں گے ، میگا ترقیاتی پیکج کا محور سندھ کے پسماندہ علاقے اورمحروم طبقات ہیں ۔
وزیراعظم سندھ میں وفاقی ترقیاتی منصوبوں پر پیشرفت کا جائزہ بھی لیں گے اور گورنر ہاؤس میں مختصر قیام کے بعد اسلام آباد روانہ ہوں گے۔
دوسری جانب وفاقی وزیر اسد عمر نے سماجی رابطے کی ویب سائٹ ٹوئٹر پر اپنے پیغام میں کہا ہے کہ وزیراعظم آج سندھ کے14اضلاع کیلئےترقیاتی پیکیج کااعلان کرینگے،عمران خان نےہرفیصلےسےثابت کیاقومی سوچ رکھنے والے واحد لیڈرہیں،عمران خان کسی خاص خطے کے لئے نہیں قوم کے لئے سوچتے اور فیصلے کرتے ہیں۔
وزیراعظم آج سکھر میں سندھ کے 14 اضلاع کے ترقیاتی کاموں کے لئے 446 ارب روپے کے تاریخی پیکج کا اعلان کریں گے. @ImranKhanPTI نے اپنے ہر فیصلے سے ثابت کیا ہے کے وہ قومی سوچ رکھنے والے واحد لیڈر ہیں. وہ کسی خاص خطے کے لئے نہیں پوری قوم کے لئے سوچتے اور فیصلے کرتے ہیں
— Asad Umar (@Asad_Umar) April 16, 2021