دبئی: متحدہ عرب امارات کے حکام نے بھارت میں کرونا کی بگڑتی ہوئی صورت حال کے پیش نظر فضائی سفری پابندی عائد کرنے کا اعلان کردیا۔
خلیج ٹائمز کی رپورٹ کے مطابق متحدہ عرب امارات کے حکام نے 24 اپریل کی رات 12 بجے سے بھارت سے آنے والی تمام پروازوں کو منسوخ کرنے کا اعلان کر دیا۔
متحدہ عرب امارات کے ادارہ برائے (نیشنل ایمرجنسی کرائسس اینڈ ڈیزاسٹر مینجمنٹ اتھارٹی) اور جنرل اتھارٹی نے سول ایوی ایشن اتھارٹی کو فیصلے پر عمل درآمد کی ہدایت کردی ہے۔
سول ایوی ایشن کو ہدایت کی گئی ہے کہ بھارت سے آنے والی تمام پروازوں اور مسافروں کی آمد پر پابندی ہوگی، لہذا کسی طیارے یا مسافر کو ہوائی اڈے پر اترنے کی اجازت نہ دی جائے۔
أعلنت الهيئة الوطنية لإدارة الطوارئ والأزمات والكوارث والهيئة العامة للطيران المدني عن تعليق جميع الرحلات الجوية للناقلات الوطنية والأجنبية القادمة من جمهورية الهند، وكذلك ركاب الترانزيت القادمين منها، باستثناء رحلات الترانزيت القادمة للدولة والمتجهة إلى الهند.#يدا_بيد_نتعافى pic.twitter.com/mr48QucHG8
— NCEMA UAE (@NCEMAUAE) April 22, 2021
رپورٹ کے مطابق دبئی نے تمام ملکی و غیر ملکی پروازوں پر پابندی عائد کردی۔
اعلامیے میں کہا گیا ہے کہ متحدہ عرب امارات کے شہری، سفرا، کاروباری شخصیات اور گولڈن ویزہ رکھنے والے شہریوں کو 24 اپریل تک مشروط داخلے کی اجازت ہوگی۔
مذکورہ مسافروں کو ایئرپورٹ پر پرواز سے چند گھنٹے پہلے کا پی سی آر سرٹیفیکٹ اور دس روز قرنطینہ کرنا ہوگا۔ رپورٹ کے مطابق مسافروں کو یو اے آنے کے لیے چار روز قبل کرونا ٹیسٹ اور قرنطینہ کے 8 روز بعد بھی ٹیسٹ کروانا ہوگا۔
