آپ نے جہیز میں کسی کو موٹرسائیکل، کار یا دیگر لگژری گاڑیاں دینا سنا ہوگا لیکن سوشل میڈیا پر ایسی مزاحیہ ویڈیو وائرل ہوئی جس پر صارفین قہقہے لگا رہے ہیں۔
سماجی رابطے کی ویب سائٹ ٹوئٹر پر وائرل ویڈیو میں دیکھا جاسکتا ہے کہ ایک شخص دعویٰ کررہا ہے کہ اسے جہیز میں ٹرین مل رہی تھی لیکن پارکنگ کی جگہ نہ ہونے کے باعث منع کردیا۔ تاہم یہ واضح نہیں ہوسکا کہ ویڈیو کہاں کی ہے لیکن شہری کے حلیے سے ایسا لگتا ہے کہ اس کا تعلق بھارت سے ہے۔
بظاہر یہ بھی گمان ہورہا ہے کہ مذکورہ شخص کا ذہنی توازن ٹھیک نہیں جس کی وجہ سے ایسی احمقانہ باتین کررہا ہے۔ اس کا کہنا ہے کہ اسے جہیز میں ٹرین مل رہی تھی لیکن چلانا نہیں آتا اور نہ ہی پارکنگ کی جگہ تھی جس کے باعث ٹرین لینے سے انکار کردیا، چھوٹی موٹی گاڑی ہوتی تو مان بھی لیتا۔
ویڈیو ریکارڈ کرنے والے نامعلوم شخص نے پہلے شہری سے سوال کیا کہ ‘سنا ہے جہیز میں تمہیں ٹرین مل رہی تھی؟’۔ جس پر اس نے کہا ‘ہاں یہ حقیقت ہے، لیکن میں کھڑی کہاں کرتا؟ اسی لیے منع کرنا پڑا’۔
ویڈیو بنانے والے نے یہ بھی پوچھا کہ کیا ٹرین کے ساتھ انجن بھی تھا جس پر مذکورہ شخص نے بتایا ٹرین کے ساتھ سب کچھ مل رہا تھا۔ وائرل ویڈیو آپ بھی ملاحظہ کیجیے!
🤣🤣🤣🤣🤕🤕🤣😭😭 pic.twitter.com/a1RaPIUhUp
— Professor ngl राजा बाबू 🥳🌈 (@GaurangBhardwa1) April 11, 2021