گجرات : بھارت کے ایک خیراتی اسپتال کے کورونا مریضوں کے وارڈ میں آگ لگنے سے 2 نرسوں سمیت 18 مریض جان جل کر ہلاک ہوگئے۔ ہنگامی حالات کے پیش نظر 50 مریضوں کو دیگر اسپتالوں میں منتقل کرنا پڑا۔
بھارتی میڈیا کی رپورٹ کے مطابق ریاست گجرات میں ایک ٹرسٹ کے زیر انتظام چلنے والے اسپتال کے کورونا وارڈ میں شارٹ سرکٹ کی وجہ سے آگ لگ گئی، آگ تیزی سے آئی سی یو تک پہنچ گئی جس سے دو نرسوں سمیت 18 مریض ہلاک ہوگئے۔
اسپتال میں لگی آگ کو بجھانے کے لیے فائر بریگیڈ کی 12 گاڑیاں جب کہ کورونا وارڈ اور آئی سی یو سے مریضوں کو دوسرے اسپتالوں میں منتقلی کے لیے 40 ایمبولینسیں بھی بھیجی گئیں۔
- Advertisement -
واضح رہے کہ بھارت میں کورونا وائرس کی صورتحال انتہائی سنگین ہوچکی ہے، رواں برس اسپتالوں میں آتشزدگی کے تین بڑے واقعات رونما ہوچکے ہیں جن میں مجموعی طور پر 50 مریض ہلاک ہوئے۔
