ریاض: سعودی عرب کے فرمانروا اور خادم الحرمین شریفین شاہ سلمان بن عبدالعزیز نے عیدالفطر کے حوالے سے مبارک باد کا پیغام جاری کردیا۔
سعودی پریس ایجنسی کی رپورٹ کے مطابق فرمانروا شاہ سلمان نے عید الفطر کی آمد پر دنیا بھر کے مسلمانوں کو مبارک باد پیش کی۔
اپنے بیان میں اُنہوں نے دعا کی کہ ’ہم اس موقع پر اللہ سے دعا گو ہیں کہ وہ دنیا کو وبا سے جلد نجات عطا فرمائے اور وبائی امراض اور ان کے درد و اثرات کو دور کرے‘۔
#BREAKING: Custodian of the Two Holy Mosques King Salman greeted Saudis and Muslims around the world on the eve of #EidAlFitr. pic.twitter.com/I1Q3kzSwWN
— Saudi Gazette (@Saudi_Gazette) May 12, 2021
دوسری جانب ابوظبی کے ولی عہد اور متحدہ عرب امارات کی فوج کے سپریم کمانڈ شیخ محمد بن زاید النہیان نے بھی عید الفطر کے حوالے سے مبارک باد کا پیغام جاری کیا۔
انہوں نے سماجی رابطے کی ویب سائٹ پر جاری بیان میں کہا کہ ’امتِ مسلمّہ کو عید مبارک، ہم دعا گو ہیں کہ اللہ تعالیٰ ساری دنیا پر اپنی رحمتوں کو برکتوں کو نازل فرمائے‘۔
Eid Mubarak to the UAE President and Vice President, the Rulers of the Emirates, and the UAE people. We pray that this blessed time brings peace, prosperity and happiness to the people of our nation, the region and the world
— محمد بن زايد (@MohamedBinZayed) May 12, 2021
واضح رہے کہ سعودی عرب سمیت تمام خلیجی اور دیگر مغربی ممالک میں آج تیس روزے مکمل ہونے کے بعد کل فرزندانِ توحید مذہبی جوش و جذبے کے ساتھ عید منائیں گے۔
