گال : گال ٹیسٹ میں پاکستان کی پوزیشن مستحکم ہوگئی ہے، یونس خان اور اسد شفیق شاندار اننگز کھیلنے کے بعد آؤٹ ہوگئے۔
گال میں جاری ٹیسٹ کے دوسرے روز پاکستان نے پہلی نامکمل اننگز دو سو اکسٹھ رنز چار کھلاڑی آؤٹ پر دوبارہ شروع کی تو یونس خان اور اسد شفیق نے محتاط انداز سے کھیلتے ہوئے اسکور آگے بڑھایا، دو سو ترانوے کے اسکور پر اسد شفیق پجھتر رنزبنا کر ایل بی ڈبلیو ہوگئے۔
پانچویں وکٹ کے لئے یونس اور اسد کے درمیان ایک سو سینتیس رنز کی شراکت نے ٹیم کی پوزیشن مستحکم کردی، یونس خان نے ایک سو پچاس رنز بھی مکمل کئے، وہ ایک سو ستتر رنزبناکر آؤٹ ہوگئے۔
