عید پر اسرائیلی بمباری سے تباہی کے باوجود بلند حوصلہ فلسطینی بچوں نے امید کا دامن نہیں چھوڑا، فلسطینی بچے اپنی ننھی منی مچھلیاں بچا کر اتنے خوش دکھائی دے رہے ہیں جیسے انہیں دنیا کی پوری دولت مل گئی۔
فلسطینی بچوں کی مچھلیاں بچانے پر خوش ہونے کی ویڈیو سوشل میڈیا پر خوب وائرل ہورہی ہے اور صارفین کی جانب سے بچوں کے بلند حوصلے کو سراہا جارہا ہے۔
دوسری جانب فلسطینی نوجوان اور بچے اسرائیلی فوج کی فائرنگ، شیلنگ اور بمباری کا مقابلہ پتھروں سے کررہے ہیں۔
These two Gazan kids are happy that they were able to rescue their fish after an Israeli bombing destroyed their home in #Gaza . pic.twitter.com/mGehqtFUDI
— Baker Atyani (@atyanibaker) May 15, 2021
واضح رہے کہ غزہ میں گزشتہ رات بھر اسرائیلی جنگی طیاروں کی متعدد ٹھکانوں پر بمباری میں ایک ہی خاندان کے 10 افراد بھی شہید ہو گئے، حملوں میں گزشتہ چھ روز میں شہید ہونے والے فلسطینیوں کی تعداد 140 ہوگئی جن میں 39 بچے بھی شامل ہیں۔
رپورٹ کے مطابق اسرائیل نے اب تک غزہ شہر میں 800 سے زیادہ مقامات کو نشانہ بنایا جس میں متعدد عمارتیں زمیں بوس ہو گئیں۔
فلسطینی شہری اسکولوں اور مسجدوں میں پناہ لینے پر مجبور ہیں جبکہ وحشیانہ حملوں کے باعث 10 ہزار سے زائد فلسطینی گھر چھوڑنے پر مجبور ہیں۔
دوسری جانب حماس کے راکٹ حملوں میں ہلاک اسرائیلیوں کی تعداد نو ہو گئی ہے۔
