دبئی میں ہوٹلز، تقریبات، تفریحی اور کھیلوں کی سرگرمیوں کو شرائط کے ساتھ بحال کر دیا گیا۔
دبئی کی سپریم کمیٹی آف کرائسز اینڈ ڈیزاسٹر منیجمنٹ نے کورونا وبا کے ماحول میں سماجی تقریبات اور سرگرمیوں سے متعلق نئے احتیاطی تدابیر اور اقدامات کا اعلان کیا ہے۔
اعلامیہ میں کہا گیا ہے کہ 17 مئی بروز پیر سے نئے فیصلے نافذالعمل ہوں گے۔ شادی کی تقریبات کے مقام پر 100 فیصد حاضری کے لیے تمام شرکاء، عملے کے لیے ویکسینیشن لازمی قرار دی گئی ہے۔
گھروں میں شادی بیاہ کی تقریبات میں 30 فیصد گنجائش کی اجازت ہوگی جس کے لیے احتیاطی تدابیر اختیار کرنا ہوں گی۔
Dubai's Supreme Committee of Crisis and Disaster Management announces updated precautionary measures for events and activities. pic.twitter.com/XcUu0OpJbT
— Dubai Media Office (@DXBMediaOffice) May 17, 2021
تفریحی مقامات 70 فیصد گنجائش کے ساتھ کھولے جائیں گے جب کہ ہوٹلز کو 100 فیصد گنجائش کے ساتھ کھولنے کی اجازت ہوگی۔
سماجی تقریبات، محافل اور ادارتی تقریبات میں شرکاء کے لیے ویکسینیشن لازمی ہو گی۔ ان افراد کو سماجی فاصلہ برقرار رکھنے اور ماسک لگانا ہو گا۔
کھیلوں کی ان ڈور سرگرمیوں میں زیادہ سے زیادہ حاضری 1500 ہو گی جبکہ آؤٹ ڈور میں 2500 افراد کے حاضری قابل قبول ہوگی جنہیں کورونا پروٹوکولز پر عمل کرنا ہوگا۔
