ریاض : سعودی عرب میں آسمانی بجلی پہاڑ پر گرنے سے چٹانیں ریزہ ریزہ ہوگئیں، پہاڑ میں دراڑ پڑنے کی ویڈیو سوشل میڈیا پر وائرل ہوگئی۔
انٹرنیٹ پر اکثر آسمانی بجلی گرنےکے دل دہلا دینے والے مناظر دیکھنے کو ملتے ہیں، ایسی ہی ایک ویڈیو سوشل میڈیا پر وائرل ہورہی ہے جس میں آسمانی بجلی کی لپیٹ میں آنے والی چٹانوں کو ٹکڑے ہوکر بکھرتے ہوئے دیکھا جاسکتا ہے۔
ویڈیو سعودی عرب کے ایک شہری کی جانب سے ٹوئٹر پر شیئر کی گئی، جس میں جنوبی سعودی عرب کے پہاڑوں پر آسمانی بجلی گرتے ہوئے نظر آرہی ہے۔
آسمانی بجلی کی زد میں آنے والے پہاڑ میں دراڑ پڑگئی جب کہ چٹانوں کے ٹکڑے ارد گرد بکھرگئے اور پہاڑ کیساتھ چلنے والی سڑک پر بھی گہرا گڑھا پڑگیا۔
Aftermath pic.twitter.com/FQYEHctGaD
— Aimen Dean (@AimenDean) May 12, 2021
واضح رہے پہاڑ میں دراڑ پڑنے کی تصدیق تاحال سعودی حکام کی جانب سے نہیں کی گئی۔
