دبئی: ابوظہبی میں پی ایس ایل سکس کے بقیہ میچز کیلئے ٹیموں کا اسکواڈ تاحال نا مکمل ہے، جس کے باعث میچز کے شیڈول کا اعلان بھی تاخیر کا شکار ہوگیا ہے۔
ذرائع کے مطابق کوئٹہ گلیڈی ایٹرز کے کپتان سرفراز احمد کویو اے ای کا ویزہ مل گیا ہے، سرفراز احمد سمیت تیرہ کھلاڑیوں اور آفیشلزکی آج روانگی متوقع ہے، کوئٹہ گلیڈی ایٹرز کے کپتان یو اے ای پہنچ کر سات روز کا قرنطینہ کرینگے۔
ٹیموں کا اسکواڈ تاحال نا مکمل ہونے کے باعث پی ایس ایل کے بقیہ میچز کے شیڈول کےاعلان میں تاخیر ہورہی ہے، جس کے بعد امکان پیدا ہوگیا ہے کہ جون کے پہلے ہفتے میں پی ایس ایل کے بقیہ میچز کا انعقاد کیا جائے گا۔
دوسری جانب ابوظہبی کے ہوٹلز میں کھلاڑیوں کا قرنطینہ جاری ہے، کراچی کنگز کے مایہ ناز بلے باز بابراعظم نے اپنے روم میں ٹریننگ جاری رکھے ہوئے ہیں، جبکہ بھارت اور جنوبی افریقہ سےبراڈکاسٹنگ ٹیم امارات پہنچ چکی ہے۔
