کراچی : سی ٹی ڈی نے لیاری میراں ناکہ میں کارروائی کرتے ہوئے لیاری گینگ وارسےتعلق رکھنے والے 3ملزمان کو گرفتار کرکے بھاری اسلحہ، دستی بم اور مسروقہ موٹرسائیکل برآمد کرلی۔
تفصیلات کے مطابق کراچی میں سی ٹی ڈی نے لیاری میراں ناکہ میں کارروائی کی ، کارروائی کے دوران لیاری گینگ وارسے تعلق رکھنے والے 3ملزمان کو گرفتار کرلیا اور بھاری اسلحہ، دستی بم ، مسروقہ موٹرسائیکل بھی برآمد کیں۔
سی ٹی ڈی حکام کا کہنا ہے کہ ملزمان میں اسلم عرف راشد،تنویرعرف پٹی ،ماجدعرف سیاد شامل ہیں ، ملزمان نے بھتہ خوری ،دیگر سنگین جرائم کی وارداتوں کاانکشاف کیا ہے۔
حکام نے بتایا کہ گرفتارملزم تنویر2005 میں قتل کے مقدمے میں گرفتار ہوا جبکہ ملزم نے 3 سال جیل میں گزارنے کے بعد واپس آکر گینگ وار میں شمولیت اختیار کی اور اپنے ساتھیوں کے ہمراہ بیرون ملک روپوش ہوا۔
یاد رہے کراچی میں قانون نافذ کرنے والے اداروں نے کارروائی کرتے ہوئے مختلف جرائم میں ملوث پانچ انتہائی مطلوب ملزمان کو گرفتار کیا تھا ، ملزمان موبائل اسنیچنگ کی دو سو سے زائد وارداتوں میں بھی ملوث ہیں،گرفتار ملزمان سے اسلحہ، منشیات برآمد کی گئیں ہیں۔
