کراچی: کراچی کے پوش علاقے میں واقع پاکستان پیپلز پارٹی کے میڈیا سیل میں آتشزدگی کا واقعہ پیش آیا ہے۔
ابتدائی اطلاعات کے مطابق بلاول ہاؤس میں واقع پاکستان پیپلز پارٹی کےمیڈیا سیل میں آگ لگ گئی ہے، واقعے کی اطلاع ملتے ہی فائر بریگیڈ کی چار گاڑیاں متاثر جگہ پہنچی اور امدادی کارروائیوں کا آغاز کردیا ہے۔
آگ لگنے کے باعث پیپلزپارٹی میڈیا سیل میں دھواں بھر گیا، دھواں بھرنے کے باعث میڈیا سیل میں موجود ملازمین کو بحفاظت باہر نکال لیا گیا ہے۔
ابتدائی اطلاعات کے مطابق آتشزدگی سے مانیٹرنگ روم ، سرور روم ، آرکائیو ، اسٹور روم ، میٹنگ روم ، کانفرنس روم کو نقصان پہنچا ہے تاہم نقصان کا حتمی تخمینہ آگ پر قابو پانے کے بعد کیا جائے گا۔
