کویت سٹی: کویت میں ریستوران، کمپلیکس اور شاپنگ مالز کے اوقات بڑھانے کے لیے 3 شرائط جاری کردی گئیں جن پر عمل درآمد کے بعد ہی اوقات کار بڑھانے پر غور کیا جائے گا۔
کویتی خبر رساں ادارے کے مطابق کویت میں ریستوران، کمپلیکس اور شاپنگ مالز کے اوقات بڑھانے کے لیے 3 شرائط وضع کردی گئی ہیں۔
میڈیا رپورٹ کے مطابق تجارتی سرگرمیوں جیسے کمپلیکس، ریستوران اور کیفوں کے اوقات کار بڑھانے یا کچھ سرگرمیاں جو ابھی بھی بند ہیں مثلاً بچوں کے پلے کلب وغیرہ صحت کے تصورات کے مطابق انجام دیے جاتے ہیں۔
ان سرگرمیوں کے دوبارہ آغاز کے لیے ایک مربوط نظام کی ضرورت ہے جس میں 3 بنیادی کنٹرول شامل ہیں۔
کھولی جانے والی سرگرمیوں کو مسلسل مانیٹر کرنا کہ کیا وہ صحت کی ضروریات یر عمل پیرا ہیں یا نہیں۔
حکومت نے واضح کہا ہے کہ جب تک ہم روزانہ انفیکشن کی کم تعداد تک نہ پہنچیں اور عوام کی قوت مدافعت کا حصول اطمینان بخش نہ ہو جائے، اس کے بعد ہی سرگرمیوں کی بندش کو منسوخ کرنے اور دیگر سرگرمیوں کے اوقات کار میں توسیع کے لیے تاریخ طے کی جائے گی۔
ذرائع نے مزید کہا ہے کہ یہ فیصلہ معاشی، معاشرتی اور مالی عوامل جیسے دیگر عوامل پر مبنی ہوسکتا ہے۔
رپورٹ کے مطابق کمپلیکس، ریستوران اور کیفوں کے کھولنے کے اوقات میں کوئی تبدیلی نہیں آئی ہے اور وہ شام کے 8 بجے ہی بند ہوں گے۔
