کراچی کے علاقے ڈیفنس میں ٹریفک پولیس افسر کی رشوت وصولی کی ویڈیو منظرعام پر آگئی۔
اے آر وائی نیوز کے مطابق کراچی کے علاقے ڈیفنس میں ٹریفک پولیس افسر کی رشوت وصولی کی ویڈیو سوشل میڈیا پر وائرل ہونے کے بعد افسر کو معطل کردیا گیا۔
ویڈیو میں پولیس افسر کو یہ کہتے ہوئے سنا جاسکتا ہے کہ جو خوشی سے دینا ہے دے دو۔
رشوت لینے والے اہلکار کی شناخت سب انسپکٹر الٰہی بخش کے نام سے ہوئی، سب انسکپٹر کے ساتھ موجود ساتھی اہلکار طارق علی کو بھی معطل کردیا گیا۔
شہر میں کالی بھیڑیں، سفید بھیڑیے موجود ہیں نالائق حاکم مراد علی شاہ کے محکمے میں رشوت کا عمل سرگرم ہے شہریوں سے ٹریفک اہلکار رشوت لیکر اپنے آقا کو پہنچاتے ہیں صوبے کے حکمران اور افسران نے عوام کا خون چوسنے کی قسم کھائی ہوئی ہے اس منہ بھرائی کی رسم پر وزیر اعلیٰ کو شرم آنی چاہیے pic.twitter.com/ZrHvOutWgH
— Khurrum Sher Zaman 🇵🇰 (@KhurumSherZaman) June 23, 2021
مذکورہ ویڈیو پی ٹی آئی رہنما خرم شیر زمان نے سماجی رابطے کی ویب سائٹ ٹویٹر پر شیئر کی اور سندھ حکومت کو تنقید کا نشانہ بنایا۔
خرم شیر زمان نے لکھا کہ ’شہر میں کالی بھیڑیں، سفید بھیڑیے موجود ہیں، نالائق حاکم مراد علی شاہ کے محکمے میں رشوت کا عمل سرگرم ہے، اس منہ بھرائی کی رسم پر وزیر اعلیٰ کو شرم آنی چاہیے۔
