کویت سٹی : کویت حکام نے کرونا وبا پر کنٹرول کرنے والے ممالک کو براہ راست پرواز کی اجازت دے دی۔
غیر ملکی خبر رساں ادارے کی رپورٹ کے مطابق خلیجی ریاست کویت کی کابینہ نے یکم جولائی سے امریکا سمیت 12 ممالک کو براہ راست پرواز کی اجازت دینے کی منظوری دے دی۔
کویت کابینہ کی اجازت کے بعد یکم جولائی سے امریکا، جرمنی، یونان، سوئٹزرلینڈ، برطانیہ اور اٹلی سمیت 12 ممالک کے مسافر براہ راست کویت آسکیں گے۔
خیال رہے کہ کویت کے وزیر صحت ڈاکٹر شیخ باسل الصباح کی پیش کردہ قرارداد کے تحت شرائط پر پورا اترنے والے غیرملکیوں کو داخلے کی اجازت ہو گی۔
انہوں نے کہا تھا کہ یکم اگست سے ممنوعہ ممالک سے واپس آنے والے ویکسینیٹڈ تارکینِ وطن پر ملک میں داخلے سے قبل کسی تیسرے ملک میں دو ہفتے گزارنے کا قانون اب لاگو نہیں ہوگا۔
کویت میں غیرملکیوں کو داخلے کی اجازت، شرائط جانیے
حکام کا کہنا ہے کہ مذکورہ قانون ماضی کے فیصلوں کا حصہ ہے، تاہم اب تارکین وطن براہ راست پروازوں سے ملک میں داخل ہو سکتے ہیں، تاہم ملک میں داخلے سے قبل تارکین وطن کو کویت میں منظور شدہ ویکسینز میں سے کوئی بھی ایک لینی ہوگی۔
