ریاض: عیدِقرباں کے قریب آتے ہی شہریوں کی بڑی تعداد سنت ابراہیمی کی ادائیگی کے لیے جانور خریدنے کی منصوبہ بندی کررہی ہے۔ اس ضمن میں مویشیوں کے سعودی ماہر نے اپنی ماہرانہ رائے پیش کی ہے۔
مویشیوں کے ماہر سلمان اجدید نے سعودی عرب میں جانوروں کی منڈی میں نرخوں کے حوالے سے کئی سوالات کے جواب دیے ہیں۔ ان کا کہنا ہے کہ مملکت میں عیدالاضحیٰ پر مختلف بکروں کے نرخ الگ الگ ہوں گے، اس مرتبہ ‘النعیمی’ نسل کے بکرے کی اوسط قیمت 1500 سے دو ہزار ریال ہوسکتی ہے۔
انہوں نے بتایا کہ مویشی منڈیوں میں 6 ماہ سے ایک برس تک کا النعیمی بکرا مذکورہ بالا قیمت پر ملے گا۔ اسی طرح النجدی بکرے کی قیمت 1500 سے تین ہزار ریال جبکہ حری کے نرخ 1300 سے اٹھار سو ریال ممکن ہے۔
سلمان اجدید نے پیشگوئی کی کہ عیدالاضحیٰ سے پہلے قربانی کے جانوروں کے نرخ بدل بھی سکتے ہیں، منڈیوں میں جانوروں کی مانگ بھی قیمتوں پر فرق ڈالے گی جبکہ چارے کے نرخ جیسے ہوں گے، اسی حساب سے بکروں کے نرخ اوپر نیچے ہوسکتے ہیں، مقامی اور درآمدی بکروں کے نرخوں میں فرق ہے۔
سعودی ماہر کا مزید کہنا تھا کہ درآمدی بکرے سودے کے چالیس روز بعد پہنچتے ہیں اور دوہفتے تک انہیں قرنطینہ میں رکھا جاتا ہے پھر انہیں کھلایا پلایا جاتا ہے، اس وجہ سے قیتوں میں فرق ہے۔
