مظفرگڑھ: وزیراعظم آزاد کشمیر راجہ فاروق حیدر کی زیرصدارت ہونے والے کابینہ اجلاس میں فنانس بل کی منظوری دے دی گئی ہے۔
تفصیلات کے مطابق کابینہ اجلاس وزیراعظم آزادکشمیر راجہ فاروق حیدر کی زیر صدارت منعقد ہوا اس دوران آئی پی پی پیزپر ایک فیصد ٹیکس کی شق مسترد کرکے بقیہ بل منظور کرلیا گیا۔ کابینہ کا مؤقف ہے کہ ایک فیصد ٹیکس آزادکشمیر کے ساتھ زیادتی ہے۔
آزاد کشمیر کے وزیراعظم کا کہنا ہے کہ ن لیگ حکومت نے 5 سال عوام کی خدمت کی، آزادکشمیر کا کوئی شعبہ اٹھا کر دیکھ لیں 5 سال پہلے اور بعد کا فرق واضح ہے۔
راجہ فاروق نے کہا ن لیگ دوبارہ حکومت بنانے جارہی ہے، ن لیگ کو روکنے کے لیے وفاقی حکومت وسائل استعمال کررہی ہے، وزرا وسائل آزادکشمیر کے الیکشن کو فتح کرنے پر لگا رہے ہیں۔
ان کا مزید کہنا تھا کہ حکومت پاکستان کی مداخلت کے خلاف بھرپور احتجاج کریں گے، پری پول رگنگ کے خلاف اسلام آباد اور آزادکشمیر میں مزاحمت کریں گے۔
