کوئٹہ : عسکری پارک ایئرپورٹ دھماکے کا مقدمہ درج کرلیا گیا اور مزید تحقیقات کا عمل جاری ہے، دھماکے میں7 اہلکار زخمی ہوگئے تھے۔
تفصیلات کے مطابق بلوچستان کے دارلحکومت کوئٹہ کے عسکری پارک ایئرپورٹ میں ہونے والے دھماکے کا مقدمہ سی ٹی ڈی تھانے میں درج کرلیا گیا ہے۔
سی ٹی ڈی کا کہنا ہے کہ مقدمے میں قتل، اقدام قتل اور دہشت گردی کی دفعات شامل کی گئی ہے اور اس سلسلہ میں مزید تحقیقات کا عمل جاری ہے۔
گذشتہ روز شام کے وقت عسکری پارک کے قریب دھماکہ ہوا تھا، جس کے نتیجے میں سیکورٹی فورسز کے 7 اہلکار زخمی ہوئے تھےجنہیں فوری طور پر سی ایم ایچ ہسپتال منتقل کر دیا گیا جہاں ان کے علاج معالجے کا عمل جاری ہے۔
تفتیشی اداروں نے جائے دھماکا سے اہم شواہد اکٹھے کر لیے اور اطراف کے علاقوں میں گشت بڑھا دیا ہے۔
