برلن : جرمن ماہرین نے حالیہ تحقیق میں انکشاف کیا ہے کہ اپنے مالک کے ساتھ بستر پر سونے والی بلیوں میں مہلک وبا کرونا کے خطرات زیادہ پائے جاتے ہیں۔
کرونا وائرس کی روک تھام سے متعلق تحقیقات کا سلسلہ دنیا بھر میں جاری ہے لیکن بلیوں کے کرونا وائرس میں مبتلا ہونے متعلق انکشاف جرمنی کی ایک یونیورسٹی میں ہونے والی تحقیق میں سامنے آیا۔
تحقیق میں بتایا گیا ہے کہ کرونا میں مبتلا ہونے والے افراد کو اپنے پالتو جانوروں کو خود سے دور رکھنا چاہیے بالخصوص بلیوں کو، کیوں کہ یہ اپنے جسم میں کرونا کو محفوظ رکھتے ہوئے اسے دیگر انسانوں میں باآسانی منتقل کرسکتی ہیں۔
ماہرین کو خطرہ ہے کہ جانور کرونا وائرس کو دوبارہ انسانوں میں منتقل کر سکتے ہیں اس معاملے میں کتوں سے زیادہ بلیوں کو خطرناک قرار دیا گیا ہے۔
تحقیق کرنے والی ٹیم کے سربراہ ڈاکٹر ایلس کا کہنا تھا کہ ہمارا مدعا یہ نہیں ہے کہ جانوروں میں کوویڈ 19 وائرس ہے یا نہیں بلکہ خدشہ یہ ہے کہ جانوروں سے دوبارہ انسانوں میں وائرس منتقل ہوا تو پھر سے مشکلات بڑھ جائیں گی۔
