سوئس شیف نے امائوری گوئشون نے نیویارک میں نصب مجسمہ آزادی کا چاکلیٹ ورژن تیار کرکے سوشل میڈیا صارفین کو حیرت زدہ کردیا۔
اکثر سوشل میڈیا پر ایسی ویڈیو وائرل ہوتی رہتی ہیں جس میں دنیا بھر کے مشہور شیف چاکلیٹ سے دنیا کی مشہور اشیاء کی نقل تیار کرکے صارفین کو خوشگوار حیرت میں مبتلا کردیتے ہیں۔
انہیں کچھ مشہور شخصیات میں ایک نام سوئس شیف امائوری گوئشون کا بھی ہیں، جنہوں نے حال ہی میں چاکلیٹ سے اسٹیچو آف لبرٹی تیار کیا ہے۔
اسٹیچو آف لبرٹی امریکی شہر نیویارک میں سمندر کے درمیان نصب ایک مجسمہ ہے جسے مجسمہ آزادی (اسٹیچو آف لبرٹی) کہا جاتا ہے۔
سوئس شیف امائوری گوئشون نے مختلف اقسام کی چاکلیٹ سے 7 فٹ لمبا مکمل مجسمہ تخلیق کیا۔
سوئس شیف نے چاکلیٹ کا مجسمہ آزادی تیار کرنے کی ویڈیو تصویر و ویڈیو شیئرنگ ایپلی کیشن انسٹاگرام پر پوسٹ کی جسے دیکھ کر صارفین بہت دلچسپ قرار دیا۔
View this post on Instagram
واضح رہے کہ شیف امائوری گوئشون اس سے قبل جنگل کے بادشاہ شیر، گیٹار، موٹرسائیکل سمیت مختلف اشیاء کے چاکلیٹ سے مجسمے تیار کرچکے ہیں جن کی ویڈیوز بھی انسٹاگرام پر خوب وائرل ہوئی تھیں۔
