اسلام آباد : پولیس نے شادی کیلئے خاتون پر تشدد کرنے والے ملزم کو گرفتار کرلیا ، متاثرہ خاتون کا کہنا ہے کہ ملزم مجھے طلاق دلوا کر شادی کرنا چاہتا تھا، انکار پر تشدد کیا۔
تفصیلات کے مطابق اسلام آباد میں پولیس نے شادی کیلئے خاتون پر تشدد کرنے والے ملزم کو حراست میں لےلیا، ملزم حماد شاہ کو سی پی او راولپنڈی کی ہدایت پر حراست میں لیا گیا۔
اسلام آباد میں خاتون پرتشددکی ویڈیومنظرعام پرآنے پر سی پی او نے واقعے کی تحقیقات کا حکم دیا تھا، جس کے بعد ایئرپورٹ پولیس نے ملزم حماد شاہ کو ٹریس کرکے حراست میں لیا۔
متاثرہ خاتون کا کہنا تھا کہ ملزم رشتہ دار ہے اور مجھے طلاق دلوا کر شادی کرنا چاہتا تھا، انکار پر تشدد کیا۔
گذشتہ روز اسلام آباد میں ایک اورخاتون کی ویڈیو سامنے آئی تھی ، سوشل میڈیا پر وائرل ویڈیومیں خاتون روتی ہوئی ہاتھ جوڑ کر معافی مانگ رہی تھی اور مبینہ طور پر خاتون کو تشدد کا نشانہ بنایا جارہا تھا۔
