الیکشن کمیشن نے وفاقی وزیر امور کشمیر علی امین گنڈاپور کو آزادکشمیر سے نکل جانے کا حکم دے دیا۔
تفصیلات کے مطابق الیکشن کمیشن نے علی امین گنڈاپور کی آزادکشمیر میں جلسےاور تقریر پر پابندی عائد کر دی اور انہیں حکم دیا ہے کہ وہ فوری طور پر آزادکشمیر سے نکل جائیں۔
اس حوالے سے آزادکشمیر الیکشن کمیشن نےچیف سیکرٹری کوخط ارسال کر دیا ہے جس کے مندرجات میں کہا گیا ہے کہ علی امین گنڈاپور کی تقاریر سےامن کامسئلہ پیدا ہو رہا ہے اور اشتعال انگیزتقریروبیانات سےنقص امن کا خدشہ ہے۔
آزاد کشمیر میں علی امین گنڈا پور پر جوتا پھینک دیا گیا
الیکشن کمیشن کے خط میں کہا گیا ہے کہ ضابطہ اخلاق کی خلاف ورزیوں پر اقدامات اٹھائے جارہے ہیں۔
چیف سیکرٹری کو حکم دیا گیا ہے کہ الیکشن کمیشن کی ہدایت پرعمل کر کے رپورٹ دی جائے۔
