ٹرینٹ برج: قومی ٹیم کے کپتان بابر اعظم اور محمد رضوان نے انگلینڈ کے خلاف پہلے ٹی 20 میں 150 رنز کی شاندار شراکت آپسی ہم آہنگی کا نتیجہ قرار دے دی۔
تفصیلات کے مطابق پاکستان کرکٹ بورڈ (پی سی بی) کی جانب سے بابر اعظم اور محمد رضوان کی ویڈیو شیئر کی گئی جس میں دونوں کھلاڑیوں نے اپنی پارٹنر شپ کا راز بتایا۔
بابر اعظم نے کہا کہ کوشش تھی کہ رضوان پر پریشر نہ آنے دوں، رضوان کے لیے مشکل ہوئی تو پہلے وکٹ کو دیکھا اور پھر چارج کرنے کا فیصلہ کیا۔
قومی ٹیم نے کپتان نے بتایا کہ شروع میں ہر اوور میں 10 یا 8 رنز بنانے کی حکمت عملی بنائی تھی، ڈیوڈ ویلے کو پچ سے مدد مل رہی تھی۔
.@babarazam258 and @iMRizwanPak talk about their 150-run partnership in 1st #ENGvPAK T20I#HarHaalMainCricket | #BackTheBoysInGreen pic.twitter.com/hKrVcrAQaL
— Pakistan Cricket (@TheRealPCB) July 17, 2021
بابر اعظم کا کہنا تھا کہ کارکردگی کے تسلسل کو برقرار رکھتے ہوئے انشا اللہ سیریز جیتنے کی بھرپور کوشش کریں گے۔
دوسری جانب محمد رضوان نے بتایا کہ ہم دونوں کی کامیابی میں سب سے اہم بات ہماری کریز پر مشاورت ہوتی ہے، دوسرے اینڈ پر کھڑے ہوکر آپس میں مشاورت کرتے رہتے ہیں۔
رضوان کا کہنا تھا کہ کیریئر کے آغاز میں بہت مرتبہ رن آؤٹ ہوا میری رننگ بہتر بنانے میں بابر اعظم کا کردار اہم ہے، ان کا کہنا تھا کہ ہم دونوں ایک دوسرے کے مشورے پر چلتے ہیں اور یہی ہماری کامیابی کا راز ہے۔
