اسلام آباد: وزیراعظم کے معاون خصوصی معاون خصوصی عثمان ڈار نے کامیاب جوان پروگرام سے مستفید ہونے والے کشمیری نوجوان شکیل احمد کی کہانی شیئر کردی۔
تفصیلات کے مطابق کامیاب جوان پروگرام کے تحت روزگار کی فراہمی کا دائرہ کار ملک بھر میں وسیع کردیا گیا۔ حکومت نے نوجوانوں کو ہنر مند بنانے کے لیے مالی اور تکنیکی معاونت کا سلسلہ تیز کردیا ہے۔ نوجوانوں کو ہائی ٹیک اور جدید کورسز میں ٹیکنیکل تربیت کا مرحلہ جاری ہے۔
معاون خصوصی عثمان ڈار نےکشمیری نوجوان شکیل احمد کی کہانی شیئرکر دی۔میرپور کا رہائشی شکیل احمد ٹیکنیکل تربیت حاصل کر کے برسر روزگار ہو گیا۔
ایف ایس سی تعلیم ہونے کے باوجود مہینوں تک بے روزگار رہنے والا کشمیری نوجوان شکیل احمد چند دنوں میں 60 ہزار روپے ماہانہ تک کمانے لگا! کامیاب جوان اسکل اسکالرشپ پروگرام کے ہائی ٹیک کورسز کس طرح ملک بھر کے ہنر مند نوجوانوں کی زندگیاں بدل رہے ہیں؟ جانئیے کشمیری نوجوان کی اپنی زبانی pic.twitter.com/ZVMzbN0Ue3
— Usman Dar (@UdarOfficial) July 18, 2021
شکیل احمد نے ویب ڈیولپمنٹ اور گرافک ڈیزائننگ کی تربیت کے لیے حکومتی تعاون حاصل کیا۔ کشمیری نوجوان کا کہنا ہے کہ ایف ایس سی تعلیم ہونے کے باوجود بے روزگار رہنے کا دکھ تھا، بغیرفیس اور معاوضے کے نیوٹک سے گرافک ڈیزائننگ کورس مکمل کیا، آن لائن ویب سائٹس کے ذریعے ماہانہ 60ہزارروپے تک کما رہا ہوں۔
سربراہ کامیاب جوان عثمان ڈار نے شکیل احمد کو اسکل اسکالر شپ پر مبارکباد دی اور کہا خوشی ہےتمام صوبوں،جی بی اور کشمیری نوجوان بھی مستفیدہو رہے ہیں، حکومت نوجوانوں کو آگے بڑھنے کے یکساں مواقع فراہم کر رہی ہے، کامیاب جوان اسکل اسکالرشپ بےروزگاروں کے لیے امید کی کرن ہے۔
ان کا مزید کہنا تھا کہ نوجوانوں سے درخواست ہے حکومتی اقدامات سے فائدہ اٹھائیں۔
